Frankenstein. El Prometeo modernu

Frankenstein. El Prometeo modernu o a cencielles Frankenstein (títulu orixinal n'inglés: Frankenstein; or, The Modern Prometheus), ye una obra lliteraria de la escritora inglesa Mary Shelley. Publicáu'l 11 de marzu de 1818 y enmarcáu na tradición de la novela gótica, el testu esplora temes tales como la moral científica, la creación y destrucción de vida y la audacia de la humanidá na so rellación con Dios. D'ende, el subtítulu de la obra: el protagonista intenta andar a la tema en poder con Dios, como una suerte de Prometeo modernu qu'arrampuña'l fueu sagrao de la vida a la divinidá. Pertenez al xéneru ciencia ficción.